Rangva Sem sawi apiang hian Congress hi rilru ah hian a lo lang leh tlat thin. 89 leh 93 inthlan vel khan Pu Hawla ho hian Congress Party in Zoram mipui te hnenah Inchung tur Rangva an lo tiam tawh a. Khatih lai khan Party dang te chuan, "Heng hi thil theih ani lo, theih ni se keini aia state upa Bihar te MP ah te khuan Rethei an awm tawh nang!" ti te leh, Pu Hawla lem chhe tak tak a ziak in Rangva an chhipchhuan tir a, "Zarkawt Tlangval Rangva Zuar kha inlo hmu em? In inchungtur rangva a pek theih che u chuan, in chhek in, in daikal in chung khuhna tur kan pe ve ang che u", tiin an lo tih elsel kual tawh a. Heivang hi nge ka hrelova, Rangva sem leh Congress hi inzawmna nei tlatin Mizo mipui te hian kan ngai ani.
MNF Sawrkar lai khan an sem ve niin ka hria a, puanzar an hreh deuh tlat niin a lang. Rangva sem hi a Congress riaua an hriat vang nge ni!!! Chutih laiin Congress a sawrkar apiang hi chuan Rangva hi an sem leh turah hian mizo mipui te hian kan ngai ngawt zel bawk a.
Kolasib bialah ngei pawh kum hmasa lam te khan sem a lo ni tawh a, kumin ah pawh chhungkaw 70 zet hnenah sem leh tur a ni a. Tunlai hian thlan mek an ni. Thingtlang ah hi chuan a tlangpuiin an thlan dik thin avangin ka en ve chiah lo a. Kolasib khawpui chhung atana Chhungkaw 45 thlan chhuah turah hi chuan Dik taka thlan an nih theih nan leh a mamawh te ngei ina an dawn theih nan a hmuna en vek ka rawt a. Nimin leh vawiin chu an hmunah ka tlawh kual ve ta vek a. Rangva in la nei te (Rangva tha vak tawh lo, Silpaulin a khuh) hmun thenkhat ah chuan thlan an lo ni a. Heng zinga thenkhat te hi kan Unit Office Bearers te an ni nghe nghe a. Uluk taka Unit Committee ina an lo thlan chhuah tawh! Vannei inti ve tawh takte, ka duhsak ngawih ngawih tur te, "Nangni chu tlawmngaiin lo awl hrih rawh u, Di In chung hi i khuh sak hmasa ang u" han tih chu hrehawm ve duh tak a ni. Thenkhat chu an ngawi hmak a, thenkhat chu an ang bawrh bawrh a, thenkhat in min hau a, thenkhat chu ka thawhpui te bulah ka laka vuina thu an sawi bawrh bawh a. An vuina te hi a va awm em!!! Min hauhna te kha a DIK ani. Dawng awm an ni alawm (Party a an thawh nasat tawh zia en chuan). Mahse... Mahse.... Mi harsa zawk te i tanpui tlang ang u....... AN Mahni khan mamawh ve viau mahse "AN CHAN AI MIDANG PEK CHU AN PHAL HAUH LO" ..... "AN CHAN AI A, MIDANG TANPUI" Erawh an hreh leh miah si lo. Heng kan hotu mamawh tak tak te hi an duh ang ngei in, an chanai midang pe lovin, an chan tur ai hian midang kan TANPUI ta zawk a. Mihring hi a lo va mak theih em!!!!
Heng chhungkaw 45 ka thawhpui te nena kan tlawhkual te hi thla kan la vek a. Anmahni ka kawm deuh vek a, kan harsa lutuk, kan lo tihve thin te kha ka zak zawk. "Tunlai chu, kan sum dinhmun a tha vak lova ei leh in lamah kan in hrek" kan lo tihve thin te kha, an Chrismass tuk chawhmeh atan an iai lovang. Ka lo va vannei em.
PATHIAN hian min lo va Hmangaih Bik em!!!!
Read more...
