Pu Malsawma Kawlni an Public Meeting hrang hranga a thu sawi.

Pu Malsawma Kawlni an Public Meeting hrang hranga a thu sawi. (He thusawi lakkhawm hi tu huatthu atan maha ziak ani lova. Mizoram buailai huna boruak chi hrang hrang leng vel thlir zauna atana ziak ani)

1. Senvon khua ah: (Senvon hi Manipur ram chhunga Hmar tawng hmanna khawpui ani). Hmar paho hi in mawl ngawt mai. "India Constitution ah Indipendent theihna ding a um ei hriet le" te in ti. Independent theihna chu ka hria alawm. Kan duh chuan Aizawl khawpui khi "DUP" ani mai.Hmarho hi inmawl khop mai. Heihi tunge in hria em? Commissioner Zaithanmawia ani. 'NILO' ti in awm em? 'FAWK' ani mai. Anih heihi tunge ni? Rambung Chief Secretary Zoramthanga anih hi. A hmel hi a Chairman lo te ti maimai suh u, 'LAWLH' ani mai. Hmarho hian Senvon hi in chhuang viaua -"In 300 khua ana, vanhnuai popo ah Senvon neka pui a um nawh" te in ti a. Ka ngaisang viau che u ania. in khua ah hian thirfian ka zawng anga Isua Zirtir zat pawh ka hmuh ka ring lo. In zai dan te lah hi ka hua, Krismass lai te hian "Kalvari ah i tuarna hlian ka en ngam nawh, I famna thingkung" te in ti leh ringawt a. Hmarho hian engmah inti ngam lo, hmarcha chauh in ngam. Sihneh kungah vaihmarcha ka tawktarh anga ka awk fai phiarh mai tur che u ania. Tuna chinah chuan 'Independent theih na ding ka hriet le" inti tawh tur ani.
["Hmarcha lah hi ar la pakhat siam nan pava khat in telha. Keini ei ve ngai lo in kan ei zet chu a tuk daikal chhuak lutukin 'Ek In' kan zawt che u a, 'Khu Va' tih pahin daithlang ngawpui in kawk a. Thei leh theilo in kan tlan thla, vawkpui in hnung min dawl zui. Kut leh lamin thing kan vuan a lehlamin vawkpui kan hawl kianga - Kawng hi a kham ngawt ngawt"
"Sihzo (Sihneh tihna) lah hi 'Nunna Thingkung' emaw in tia engkimah hian in telh a" -- Update from chhangte_ll at lawrkhawm.com]

2. Sihfa Khua ah: Sihfa ho hian BA NARAN minti elo? BA kan exam dawn hian form kan fill up a, BA naran form kan fillup lo. Ka BA Pass hi BA NARAN anilo, BA tak tak BA Thami ani. Sihfa paho hian BA tehi engahnge NARAN intih? Rual elna kawpui Shillong ah ka awma, College lehkhabu zawngzawng ka keu chhuak a, Sihfa tlangval hming ka hmu lo. Imphal khawpui ah Sihfa pa buan ka tuma, ka hmu zolo. Sunday School inkhawm banah inkhawpa pa neinung deuh pakhat inah inlut kawma, sa phaw chunga thu in thingpui sen no dom chungin in titi a. "Ka sum chu sum vantlang tak ani" te inti mai mai. In sum alen vang hian ani ta ve ang Sunday School hrilhfiahna bu kawm te hi intih tlak thuai thuai. Salvation ho lah hi inho khawp. Silchar pawh la hmu hleilo hian "London kan Headquarter chu ropui tak ani" te inti chiam chiam. Zanlamah in ten thlanvawng tukchawp sedar tiat zet an zakzeh a "AW rairah ka riang em mai, dawn lem ka nei silo" anti a, an zai kal rut rut a. In Tingtang hruai pawh kha a kimlo. In riang reng ang chu, in mawl em alawm. Zai kal rut rut pa rawnkai ka hrelo.

3. MNF Sipai an lo Parade a, ani Senator meuh chu ti in an Commander chuan Salam alo buk a "A ruala kal dum dum hlawh tam leh Lal an ni ngai lo", ati.

Note: Pu Malsawma hi ka mi ngaihsan tak mai a ni a, thusawi athiam in mi a chawk phur thiam ka ti khawp mai. Mizoram in a
ni ang kan nei hi chu kan vannei a ni. Tin, a thu sawi hrang hrang te hi ka rawn post belh zel ange,